記得上次sned e-mail去實惠是因為該公司的無聊制度，膠櫃特價買二送一(忘了是買2還是買3)，有幾隻色的膠櫃我拿了幾個去付款，可是收銀員卻跟我說要買一色的才能享有買二送一的優惠，真無言呀......那個白痴定這樣白痴的制度呀，放這麼多色出來幹什麼，又唔標明喎，最後send左個e-mail去，得到一個話會改進的答覆。

時隔應該有2-3年，如今的實惠還是沒有改進，還變奸了，今天去買豹紋絲絨厚坐墊疊凳，因為早幾日同家姐去行過，但當日無手拎所以無買到，但當日好清楚見到佢係好大隻字咁寫住『買二送一』，睇下張凳仲要標住39.9一張，原價49.9。 但係今日見唔到個牌，咁咪搵職員問啦，d職員check完就話仲有，咁都係80蚊有3張咁抵又要用緊係買啦，點知埋單要99.8喎，原來佢計49.9原價先係買2送1，之但係我地問唔係39.9一張咩，個收銀用不實的答案回答我地，話39.9係平均返一張的價錢，咁99.8有3張凳都ok的，就照比啦，加上個時又要追住囡囡都無諗咁多，後尾睇單...

156089 *SOHO 厚坐墊方形疊凳      3        149.70

特價$39.9-156089                                         -30.00

特價$99.8(買二送一)-156089                    -19.90

                                                         實數金額:      99.80

好明顯個價係內定$99.8， 個收銀係亂講一通!!

雖然佢49.9一張買二送一我都會買，因為好坐同有需要，但係實惠就有欺騙顧客的行為，佢要計原價49.9一張買二送一就應該明碼實價咁標明，但係佢就隻字不提！個收銀仲講d同事實不附的說話，39.9乘3係119.7跟本唔係平均價！

下次去實惠小心d價錢，由其係買x送x個d價，一定要問清楚！